చిటపట చినుకుల సంగీతం
పైకప్పుపై టపటపమంటూ
వీనులవిందుగా తాళమేస్తూ
కచేరీ జరుగుతుంటే..
భావు"కుల" జన మనఃకరతాళాలు
మిన్నుమిట్టి తన్నుచేరగా....
ఆర్కెస్ట్రాలో చోటివ్వలేదని గాలి తుంటరిగాడు,
ఆ విభావరి లయ తప్పించాడు
బలంగా అటూ ఇటూ పరుగెడుతూ.
ఇంకా ఇంకా....
ఏమో ఏమో.....
అనుకోవాలనీ....
అన్వయించాలనీ......
కానీ.......
"ఆశ దోస అప్పడం వడ" అని
గాలి పిల్లగాడు గేలి చేస్తాడని
భయమేసి ఆపేసాను.
No comments:
Post a Comment