ప్రియమైన పాపా

ప్రియమైన పాపా

అదిగో అదే వద్దన్నది 

నువ్వెంత పే.....ద్ద దానివైనా
మాకింకా పాపవే

మాకు కాదు నాకు మాత్రమే
ఆ హక్కు లేదాంటావా?
శిరోధార్యమే.

మొన్న బయటపడ్డ లేఖలు
అవును.
నా అస్థిత్వమే
ఇప్పటికీను
గడిచిపోయిన మైలు రాళ్ళూ అని మభ్యపరచను
అవును
నన్ను కొంత అక్కడ వదిలేసుకున్నాను
ఆ శూన్యాన్ని ఆ లేఖలతో పూరించుకున్నాను

అవును
పూరించుకున్నాను
పూర్ణమయ్యాను.

ఇది నీకు "అర్థం" అవకూడదని
ఆ బ్రహ్మాన్ని కోరుకుంటాను
పరిపూర్ణ అవగతం అనుభవానుగామి కాబట్టి

ఎప్పటికీ నీ దృష్టిలో
మీకు ద్రోహిగానే మిగిలిపోవాలని కోరుకుంటూ

నీ
నాన్న

కృష్ణా పరాయినయిపోతున్నానురా

కృష్ణా
ఎపుడూ అనిపించలేదా
ఒక్కరు
ఒక్కరే ఒక్కరు
నీకు ప్రీతి కలిగే వారు
ఉండుంటే బావుంటుందని
అవునేమోలే అదే యోగమంటేనేమో
జగత్తంతా ద్వైతమే అయినప్పుడు
ఒకరూ ఎనిమిది మందీ పదహారు వేలమందీ
తేడాలెక్కడ కదా?

నాకింకా ఆ అద్వైతం అలవడలేదయ్య

ఊహలంటున్నారు
ఫాంటసీ బ్రతుకంటున్నారు
పిరికివాడినంటున్నారు


చివరికి
ఓ గాటిన కట్టేస్తున్నారు

ఒకరిని ప్రెమించగలగటం
కోరుకోకుండా వారికే అంకితం అవటం
ఆడతనమేనేమో!!!
అయితే నేను ఆడతనాన్ని అంగీకరిస్తున్నా
అవును నేను సగం ఆడదానినే

కృష్ణా
పరాయినయిపోతున్నానురా
కృష్ణా
పరాయినయిపోతున్నాను