ప్రియమైన పాపా

ప్రియమైన పాపా

అదిగో అదే వద్దన్నది 

నువ్వెంత పే.....ద్ద దానివైనా
మాకింకా పాపవే

మాకు కాదు నాకు మాత్రమే
ఆ హక్కు లేదాంటావా?
శిరోధార్యమే.

మొన్న బయటపడ్డ లేఖలు
అవును.
నా అస్థిత్వమే
ఇప్పటికీను
గడిచిపోయిన మైలు రాళ్ళూ అని మభ్యపరచను
అవును
నన్ను కొంత అక్కడ వదిలేసుకున్నాను
ఆ శూన్యాన్ని ఆ లేఖలతో పూరించుకున్నాను

అవును
పూరించుకున్నాను
పూర్ణమయ్యాను.

ఇది నీకు "అర్థం" అవకూడదని
ఆ బ్రహ్మాన్ని కోరుకుంటాను
పరిపూర్ణ అవగతం అనుభవానుగామి కాబట్టి

ఎప్పటికీ నీ దృష్టిలో
మీకు ద్రోహిగానే మిగిలిపోవాలని కోరుకుంటూ

నీ
నాన్న