ఒకోసారి పిచ్చెక్కుతుంది నీ గురించి
తెలియాల్సినదెంతో ఉందనిపించి
నా జీవితం చాలేనా అనీ అనిపిస్తుంది
ప్రశ్నిస్తూ జవాబిస్తావు
తెలుసకునేం చేస్తావంటూ
అస్వాదిస్తానన్నసమాధానానికి నీ నవ్వు
స్వరూపాలు భేదాలు నిర్వచనాలు
తెలీకుండా అనుభవించలేవా అంటూ
చిన్న మాటతో జ్ఞానోదయం చేస్తూ.......
అయినా, ఉదయం సంధ్యల వృత్తమాగదు కదా
ఎపుడూ వస్తూనే ఉంటుందా అనుమానం.
No comments:
Post a Comment