అచ్చంగా నా కూతురే

అమ్మ కావాలీ అని ఏడుస్తోంది నీ కూతురు ఏం చెప్పుకుంటావో చెప్పుకో పో......అమ్మ మొహంలో విసుగు, కోపం, బాధా అన్నీ
ఏరా ఏమిటీ ఏడుస్తున్నావట?
అందరికీ మమ్మీ ఉంది నాకే లేదు...నాకు మమ్మీ కావాలీ.......
మమ్మీ ఎందుకు కావాలిరా నీకు?
మూడేళ్ళ పాపను భుజానికెత్తుకుంటూ అడిగాడు
అందలికీ ఉందిగా, నాకూ కావాలి
మ్మ్.....మీరందరూ పరిగెత్తగలరు నాన్న పలిగెత్తగలరా?
లేదు నీకు కాలు ఆయి అన్నావుగా పలిగెత్తలేవుగా
మలి పక్కింటి లాము చూడగలడా?
లేడు పాపం కల్లు లేవుగా
పొనీ మనం బయతికెల్తుంటే రోడ్ పక్కన అలుక్కునేవాడు...వాడు స్కూటర్లో వెల్లగలడా
వాడికి డబ్బు లేదుగా........
భుజంపైనున్న పాప మవునమైపొవటం తెలుస్తూనే ఉంది
అదృష్టం ఎలా ఉంటుందో అనుకున్నాడు పాపను తెచ్చుకునేప్పుడు
పాప విత్తు ఫలమో, పెంపకమో తెలీదు కాని ...తనిలా మవునమైపొతున్నప్ప్డంతా తనెంత అదృష్టవంతుండో అని తలుచుకు మురిసిపోతాడు.

*****

నాన్నా అమ్మ గురించెప్పుడూ చెప్పవేం?
చదుకుంటున్న తల్లి హటాత్తుగా అడిగితే మాట నోట రాలేదు
కళ్ళు మాట్లం మాటాడాయి
నలభై ఆరెళ్ళవాడి కళ్ళు మాట్లాడటంలో గొప్పేముంది?
కాని ఏడేళ్ళ పిల్ల వాటిని చదివి మెడను కౌగిలించుకుని
"ఇంకెప్పుడూ స్డగనులే నాన్నా" అనటంలో గొప్పతనమెక్కడిది? ఎవరిది?
నిద్రపోతున్న పాపను చూస్తూ అనుకున్నాడు
నా భార్యను నీ తల్లని అబధ్ధాలాడలేను
నీ తల్లిని నా భార్యని ఆలొచనల్లో కూడా పరిచయం చేయలేను
ఈ తండ్రిని మన్నించురా కన్నా.

*****

ఆడదిక్కుండింటే ఇంకెంత ఘనంగా జరిగేదో
అనుకోకుండా ఉండలేకపోయాడు
ఈ మధ్యకాలంలో ఎవరు పట్టించుకుంటున్నారివన్నీ అంటూ బుధ్ధి అంటున్నా
మగాడికి చాయామారంగా కూడా పరిచయమవని అమ్మతనానికి నాందీ భూతమయిన ఈ రొజున కనీసం పట్టుపరికిణీ అయినా ఉండేదిగా అనుకోకుండా ఉండలేకపోయాడు.

ఇక్కడికి కూడా దాపరించావా? స్తాకింగు కూడా నేర్చుకున్నావనమాట...వినిపించిన స్వాగతం.
"...."
వెతుక్కుని మరీ వచ్చావుగా ఏమిటో చెప్పు అలా ఉండిపోయావెందుకు?
పాపకు గంధం పూసి నీ చేతులతో మొదటి రవిక ఇచ్చి వెళ్ళు.
పోనీ రావటం ఇష్టం లేకపోతే ఇక్కడే మనస్ఫూర్తిగా ఆశీర్వదించి అక్షితలు చల్లు.

మీ ఆవిడేం చేస్తోంది పోయిందా? నెరిసిన జడేసుకుంటూ ప్రశ్న కొంత శాంతంగా.

పెంచుకున్నానని తనకింకా తెలీదు.

తిరిగి చూసిన చూపులో ఎన్ని వేల భావాలు చదవొచ్చు?

పట్టు లంగా వోణీ కొని సువర్ణాక్షతలు చల్లి దేవుడిదగ్గర పెట్టిస్తూ పెళ్ళి పీటల మీద కూర్చో అంటూ పిచ్చి వేషాలెయ్యద్దు అంది.

మవునాన్ని తనకు బహుమతిగా ఇచ్చి వచ్చేసాడు.

*****

నాన్నా టీచర్నవుతాను నాన్నా
ఏం సబ్జెచ్ట్ చెపుతావురా?
మాథ్స్. మా క్లాసులో అందరూ నన్ను ఏమని పరిచయం చస్తారో తెలుసస్? మేథ్స్లో మాత్రం జీనియస్ చూడు ఆ అమ్మాయి అని గలగల నవ్వుతూ అంది
పునః పరిచయమైన గతపు చాయలు
మేత్సంటే భయపడే వాడు ఎమ్మెస్సీ చెద్దామా అని నలభయ్యో వడిలో వెతికేలా చేసిన గతపు చాయలు..సువాసనలు కోల్పోకముందే క్రొంగొత్త రంగులు నింపుతూ కొత్త తరం
చాలా ఏళ్ళ తరవాత కూతుర్ని ముద్దు పెట్టుకున్నాడు

*****

కాళ్ళకు రాసిన పారాణిని చూస్తూ నాన్నా మీ పక్కన మీ హరిద్రా స్వరూపాన్నే పీటలమీద పెట్టుకుని మీరే కన్యాదానం చెయ్యండి నాన్నా అంటున్న కూతురిని మొదటిసారి చూస్తున్నట్టు చూసాడు.
గమనించలేదనుకున్నారా నాన్నా దంపతులు కూర్చోవాల్సిన ప్రతీ చోటా మీరు పెట్టే పసుపు ముద్దను? ఇర్వై అయిదేళ్ళు నాన్నా నాకిప్పుడు. ఎప్పుడూ గమనించలేదనుకున్నారా నాన్నా?
పీటల మీద కూర్చోమని చెప్పి ఇప్పుడిలా చేస్తే పెద్దమేనత్త బాధపడుతుందిరా అదసలే కొంచం పట్టింపున్నది...
నేనొప్పించేసా నాన్నా
మీ అత్తింటివాళ్ళకేం చెప్తావురా నవ్వుతూ అడిగాడు
రిజిస్టర్ మారేజయినా పర్లేదన్న మా అత్తామమలకు ఏదయిన ఒకటే నాన్నా
తనకు మాత్రం మొత్తం చెపితే మనస్ఫూర్తిగా అంగీకరించాడు నాన్నా

ఏమని చెప్పావురా కలగాపులగంగా కళ్ళళ్ళో మెరుపులూ కుండపోతలూ

అమ్మెవరో తెలీదు రాజేష్ నేనింత వరకూ చూడలేదుంకూడా కనీసం ఫోటో కూడా
కాని నాన్న గుండేలో మాత్రం అలా నిలిచిపోయిందన్నది తెలుసు
ఎవరూ ఎందుకూ ఏమిటీ అంటూ ఇంతవరకు నేనడగలేద్య తను చెప్పలేదు
ఎలాటి బంధమైనా కాని .........ఆ అనుబంధం మన మధ్య ఉండాలి రాజేష్
మా నాన్న మా అమ్మను ప్రేమించినట్టు నన్ను ప్రేమిస్తావు కదూ అని అడిగాను నాన్నా

పుష్ఫ వృష్టి కురవాల్సిన చోట అశృవులు కురుస్తుంటే బీరువా తెరిచి పాత పడిన ఫోటో ఒకటి ఇచ్చాడు.......నా భార్య కణ్ణా అంటూ

నాకు అమ్మ కూడా నాన్నా
ముద్దు పెట్టుకుంది


నా కూతురు
అచ్చంగా నా కూతురే.
నే కనకపోతేనేం?
అచ్చంగా నా కూతురే.