అపరిచిత పరిచయం.

రంగులు మారుతున్న చీకటిలో

నా సందూక్ తెరిస్తే  

జాజులూ మధువులూ మసకబార  

క్రొంగొత్తగా నువ్వు 

ఏ అపురూపానికి వరంగా స్థానమిచ్చానో? 

కాని పెట్టిలో భద్రంగా నీ ఉనికి . 

చేతిలోకి తీసుకుందును కదా 

కాలి పొయ్యింది 

మనసు కూడా 

పెనమేదో పొయ్యేదో ?

ఇప్పుడిప్పుడే ఆ ఘడియల్లేవు కాని 

తలంబ్రాలకు దిష్టి చుక్కను చేద్దును  

నలుపైతేనేం ముత్యానివేగా

విలువెరిగిన షరాబులుంటారనే

ఇలా ముసుగు తీస్తున్నా 

మూలుగులే నీ పరిచయమన్నా 

వాటికీ కరతాళాలందాలని    

స్వప్నలిపిలోనున్న 

జాగృదావస్థ

ఓహ్!