నమ్మకమంటే నమ్మకముంటే

ఏం ధైర్యం రావటం లేదేం? వెటకారంగా
"...."

అవునులే డిస్క్లైమర్ తెల్ల జెండా ఎత్తేసావుగా శీర్షిక వివరణలోనే ఇంకెందుకు నిజాయితీ?
"..."

"ఏం ఏమేమొ కబుర్లు చెప్పావుగా, బీరాలు పోయావుగా అన్నీ "కబుర్లేనా" ?"
"..."

"మనసులో దాచుకుని సుతిమెత్తగా గోరితో గీకే నిజం కాళరాక్షసియై కళ్ళెదుట నిలిచి కంకాళ హారంలో ఖాళీ నింపే కథా కమామిషూ నీదేనంటూ కరవాళం ఝుళిపిస్తే కుదేలయిపోయావేం?"
"..."

"నిన్నెక్కడో పాతిపెట్టే నిజం పాతిపెట్టిన మరుభూమిలోంచి బయతకు రప్ప్పించిన మాంత్రికుడెవరూ అని వెతుకుతోందా మనం?"
"..."

"నీ అణూత్వం తెలిపే విశ్వరూప విన్యసానికి మళ్ళీ చీకటినిచ్చేయమని కోరుకునే కురువృధ్ధునివైనావేం?"
"..."

"నమ్మకమంటే అర్థమయి హతశుడవయినావా?"
"..."

"వరానికెంత తపమో అని వెరుపేనా నీ వెన్నులోని చలి?"
"...."

"నిష్ఫలమయితేనం? చివరికి తపమంతా బూటకమ్ని ఆ దైవమే చెపితేనేం, తపాన్ని ఆనందించలేదూ?"
"..."

"పొద్దుట పడమరగా పడ్డ నీడ కాలమానంతో పాటు పార్టీ మార్చి నిద్దరోతూ తూర్పు కు జై అంటే "పడమరన్నావుగా నీడ" అని ఈసడించుకునే మనుషుల జలి పడక నీవు తూలిపడతావేం?"
"..."


"అవునూ....ప్రాణవాయువూ, జీవన మృదంగమేం ఖర్మ......అణువణువూ చావుకేకలో, తుది శ్వాసలో తమ శక్త్యానుసారం పిక్కటిల్లినా........శకుని ఆదర్సం మరిచిపోతావేం?"
"...."


"శకునివన్న" కీర్తికి భయమా?"
"..."


"వేటు మీదే వీపు నాదే ...... మడమ తిప్పను నడత మారదు" ఎవరో నూతిలోంచి అరుస్తున్నట్టు లేదూ?"
"..."

"ఇది మగతనమంటే...స్థిరంగా ఉండిలాగే" చాలా ఆప్యాయంగా.


May god bless you......with all worldly pleasures :)