సంక్రాంతి పై నేను ఒక గుంపులో రాసిన మరో చిన్న కవిత. ఆ గుంపులో ఇతరుల జ్ఞాపకాలు చదివితే హైదరాబాద్లో పెరిగి మేము ఏం కోల్పోయామో అర్థమయింది. మాకు గాలిపటాలు, తిండ్లు, ముగ్గులు తప్పితే ఇంకోటి తెలీవు సంక్రాంతి సంబరాలు.
మీ అందరికి సంక్రాంతి శుభాకాంక్షలు
గుర్తుకోచాయి చిన్నప్పటి సంక్రాంతి విశేషాలు
డాబా మీద గాలి పటాలాటలు
"అర గీటి" "గీటి" అని మేము కొన్న "మాంజాలు "
గుల్జార్ హౌసులో వాటికి వెతుకులాటలు
మా గాలి పటాలని ఆపే కరెంటు తీగలు
"కాటే కాటే " "డీల్ డీల్ అనే అరుపులు
అంబరాన సాగే పోరాటాలు
ఎప్పుడూ చూడని భోగి మంటలమీద ఫ్యాన్టసీలు
ఎప్పుడో ఒక సారి చూసిన హరిదాసు గీతలు
కొన్ని సార్లు చూసిన డూ -డూ బసవన్నలు
ఎప్పుడూ చూస్తూనే వున్న రథం ముగ్గులు , గొబ్బిళ్ళు
గుర్తుకొచ్చాయి చిన్నోల్ల భోగి పళ్ల సంబరాలు
కింద పడగానే ఎరుకునే రేగుపళ్లు , చిరు పైసలు
మీకందరికీ సంక్రాంతి శుభాకాంక్షలు
మధుర స్మృతుల , మధుర అనుభూతుల ఆశింపులు.
No comments:
Post a Comment