సతీ సమేతముగానే పూనవలసిన ఈ యాగదీక్ష నిర్వహణము నిన్నుదావానలంలా దహించి వేయునని మాకెరుకే. పెన్ప్రజావాహిని సాక్షిగ ఈ యాగదీక్ష జరపపూనుటకు కారణంబూ అదియే. అనంత లాహిరీ సాదృశ్యకముగా నా ఆతిధేయులై, ఈ ధరణీజనులు నా వామభాగప్రతిష్ఠితమైనది నిర్జీవ కాంచనప్రతిమేనన్న అసత్య వార్తాహారులై, నీ కడకు దూతము సేయ, నా మానసముననున్నది నీ సజీవమూర్తియేనన్నది ఎరుకపరచి నీ మ్రోవిపై చిరునగవునద్దిన మానసయోగము తన కన్నుకుట్ట "నీకు ఆతనిపై గల నమ్మికనీవిధమా సత్కరించుటా"యని నీ బుద్ది నీ కడ మందరయౌనేమో జాగ్రత్త సుమీ. ఎదబాటెంతైననూ నీ బింబాననామవశి నా మానసమునూ కబళించునను సత్యము నీకవగతమే కదా. ఈ యాగ దీక్షా సమయమున, అందునా ఈ సంవాద సారసాగర మధనమునకు ధృడ చిత్తమే కూర్మము. నీవు క్షణలేసమాత్రమైననూ స్త్రీ సహజ సంపదయగునా యలకాభరణమును ధరింపజాలదుననునదే నా యాజ్ఞ. యాజ్ఞవల్క్యములనున్న చిత్రకూట సౌఖ్యము నీకింకనూ జ్ఞప్తియేనన్న నా నమ్మకమును వమ్ము చేయవలదన్నదీ దాసాభ్యర్థన.
ఈదినముల మన సంవాదము అజరామరమై నిలుచవలెనను నా అభిమతము నా అభిజాత్యమెంతయూ కాదు ప్రజాశ్రేయోభిలాషులకావశ్యకమగు కార్యామేయని నా మానసము చామరము వీచుచున్నది. అందువలననేనీ సంవాదమంతయూ గ్రంథస్థము, మంత్రస్థమూ చేసి మనస్థాపితము కావించుచుంటిని. మద్వంశనామాంకుడై, మదీయమౌ నీ ప్రస్తుత వియోగానల చందన సౌఖ్యాఖ్యానుభవ ప్రాప్తియందూ ధర్మచింతన వీడని జ్ఞానపిపాసి అనురాగరసరాజ్యమకుటధారియూయై సవ్యసాచ్యము చేయునొకానొక సామాన్య మానవమాత్రునికి మానసమాత్రముగనే సాలభ్యమౌ రీతిన నేను ప్రయోగించిన నీ మంత్రశరము అమోఘమౌగాక.
తాను ఈ భవమందు క్షణభంగురమను సత్యమునెరింగియూ, సకల చరాచర చలనము మదీయ మాయాజాలా చిత్రణమేయనియూ బుద్ది ప్రతీ క్షణమూ చెవినిల్లుగట్టిననూ మానసము భౌతిక పాణిగ్రహణ ధర్మమను నిత్యాగ్నిహోత్రమును నిత్యము సేయ, భావోద్వేగ ఝంఝామారుతాభ్రగమనము సేయబూను యా సాహసి తానా పయనమున నిస్సహాయ పిపీలకమేయను గ్రాహ్యవరము పొందిన దినమే ముహూర్తము. పాహి పాహి స్వామీ పాహీయను నాతని ఘోషలే మంత్రాక్షతలు. ఆ సందర్భమున నాతనికి తోచునీ సారమంతయూ దేవీ కటాక్షమేయగుటనాతడెన్నడూ మరువకుండుట మద్వాహకమౌవ్వాతనికి మన వరమను నా ఈ వాక్యమునకు సాక్షియగు యప్రతిహత ప్రవాహియౌ ఈ కాలచక్రము నగమై, చామరమై, మావటియై, వందిమాగధమై, బంధుమిత్రజనమై యుండుగాక. తద్వాహకోత్పన్న కారకులాయిరువురూ మదీయ చరణ కింకిణులైయుందురుగాక. యూ మంథన భవత్కార్య ప్రేరకంబౌ రమణి మణిపూసయై నీ నాసికాభరణమందు కుదిరి నిత్య శోభాయమానమౌ నీ దరస్మిత ధగధగన మెరియిగాక. తద్మంథన మందరమౌ మెలుగునతివ మధురస్వన మజీరమౌగాక.
అస్తు అస్తు అస్తు.
(సశేషం)
Picture taken from here
No comments:
Post a Comment