రామభద్రుండనై శబరుల జాడ వెదక

ఖడ్గ సృష్టి తెచ్చుకుని రెండు వత్సరాలు అయిందేమో దుమ్ము దులపలా. కూడలిలో "ఏవీ తల్లీ నిరుడు కురిసిన" శీర్షిక తోక పుచ్చుకుని గూగులాంబుధిన వెదుకులాడి పట్టుకున్న ఆణిముత్యం నా బీరువాలో భద్రంగా "దాచి" ఉంచినదే అని తెలిసరికి సిగ్గు పడక నన్ను రఘురామునిగా, ఇలా మంచి ఫలాలను అందించే వారిని శబరులుగా వర్ణించేసుకు తృప్తి పడుతున్న మనసు స్వోత్కర్ష చూసి నవ్వొచ్చింది. అలా అందిస్తే తప్ప, ఎంగిలివి అయినా పర్లేదట కాని, స్వవ్యవసాయానికి సమయం లేదంటున్న మనసును చూసి నవ్వుకోక ఏం చెయ్యమంటారు?

కాకపొతే ఇలాటి వాటిని ఏదో విధంగా పునశ్చరణ చేస్తూ ఆ శారదాంబకు అనన్య సేవ చేస్తున్న ఉమాశంకర్ గారి లాంటి వారందరూ శబరులంత అదృష్టవంతులే అనటంలో లేశమంత కూడా అనుమానం లేదు.
నెనర్లు ఉమాశంకర్ గారు. 

మీ అందరి కోసం ఆ ఆణిముత్యం, ఆనందించండి.....ఆంగ్లములో ఈ పాఠప్రతిని సమకూర్చిన భావన/తెలుసా/డొక్కా శ్రీనివాస్ గార్లకు నెనర్లు. ఆ చర్చ ఇక్కడ భావన/తెలుసా లో చూడవచ్చు .

                                                           శ్రీ శ్రీ గారి ఖడ్గసృష్టి నుండి "ఏవి తల్లీ" 

     
   The snows of yester year by F.Willon ki అనుకరణ అట ఇది

    చక్రవర్తి అశోకుడెక్కడ ?

    జగద్గురు శంకరుడు యెక్కడ ??

    ఏవి తల్లీ !

    నిరుడు కురిసిన హిమ సమూహములు ??

    కాళిదాస మహా కవీంద్రుని

    కవన వాహినిలో కరంగిన

    ఉజ్జయిని నేడెక్కడమ్మా ?

    ఉంది ? చూపించు !

    షాజహాన్ అంత:పురములో

    షట్పదీ సింజానమెక్కడ ?

    ఝాన్సీ లక్ష్మీ దేవి ఎక్కిన

    సైంధవం నేడేది తల్లీ ?

    రుద్రమాంబా, భద్ర కాళీ,

    రోషణోజ్జ్వల రోచులేవీ ?

    ఖడ్గ తిక్కన కదన కాహళ

    కహ కహ ధ్వనులెక్కడమ్మా !!

    ఎక్కడమ్మా కృష్ణ రాయని

    బాహు జాగ్రద్బాడ బాగ్నులు

    బాల చంద్రుని బ్రహ్మ నాయుని

    ప్రాణ వాయువు లేవి తల్లీ !!

    జగద్గురువులు, చక్రవర్తులు,

    సత్కవీశులు, సైన్య నాధులు,

    మహా వనితలు, మహా రాగ్జులు,

    కాన రారేమీ ??

    పసిడి రెక్కలు విసిరి కాలం,

    పారి పోయిన జాడలేవీ ?

    ఏవి తల్లీ ?

    నిరుడు కురిసిన హిమ సమూహములు ??

    (శింజానము = వింటి నారి ధ్వని, సైంధవము = అశ్వము,
     రోచిస్సు, రోచులు = వెలుగు, కిరణములు )

Francois Villon's original French poem and its various english transaltions are available here

http://lachlan.bluehaze.com.au/snows_of_yesteryear.html        (http://lachlan.bluehaze.com.au/snows_of_yesteryear.html).................................hope you all enjoy them as much as I anticipate enjoying them soon.

Have to run now...... living beckons, life has to wait.

Images from

https://blogger.googleusercontent.com/img/b/R29vZ2xl/AVvXsEh1RdIGmuMCpoFQ0ttKbEAHl0_i-IBspGTNntPuhd8O8KSEvNTM4dtf2Bw0V6iTSS-FLhfCdqFzgjmIm3pk0JfVlEq_mfIpm5LoFISDFrLpQusH8PJ77uwWapnJw49ILEQsxxfD7TZ-bTca/s400/sabari-gets-darsan-from-sri-ram.jpg

http://www.avkf.org/BookLink/images8500/8951_front_cover.jpg