Joys of Discovery.....ఇవి ఏ రాగమో చెప్పగలరా? అసలు నిర్దుష్ట రాగమేనా ఇది?

రహ్మానుద్దిన్ షేక్ గారి సత్యాన్వేషణ బ్లాగు మొదటి సారి చూస్తూ "ఫరవాలేదు, ఫరవాలేదు" అన్న సాహిత్యం చూసి అక్కడే ఆగిపోయా. అబ్బా ఎంత బావుందో కవిత. ముఖ్యంగా లయ రావాలంటే ఇలా రాయాలి కాబోలు, అయ్యో ఇన్ని రోజులూ ఈ బ్లాగ్ ని, ఈ కవినీ మిస్ అయిపోయ్యానే అని బాధపడుతూ ముందుకెళితే పరదాలే ఎన్నాళ్ళిలా... అని నిన్నే అడగమని, సరదాగా తరిమింది... మది నీపై మనసు పడి, మురిపించే ఊహలతో ముఖచిత్రం గీసుకుని, అది నువ్వో కాదో అని సందేహం ప్రతిసారి........దగ్గరకు వచ్చేసరికి మాత్రం I was blown off my feet. 


"వావ్.....అంత్య ప్రాసలు లేకుండా ఎంత బాగా లయ కుదిరిందో చాలా ప్రొఫెషనల్ లెవెల్లో ఉంది కవిత" అనీ అనుకోవటంతోనే మనసు భూమి మీదకు దబ్బున పడింది. కింద చూస్తె "ఏదో" పిక్చర్లోని పాట అని అర్థమయిపోయింది.

కొంచం నిరాశ కలిగిన మాట నిజం. భాస్కరభట్ల గారిదట సాహిత్యం.

ఎంతైనా రోజూ అదే వ్యాపకంగా పెట్టుకున్న నలభీముల వారి మృష్టాన్న భోజనంలో ఆనందానికి కాకా హోటల్లో అయ్యర్ చలవతో అకస్మాత్తుగా ప్రాప్తమయ్యే ఈలాటి ఆనందానికీ ఉన్న క్వాలిటీ డిఫరెన్స్ అనుభవించిన వారికి బానే తెలిసుంటుంది.

There is such an ecstasy in the unexpected discovery of a kohinoor by a serendipitous prospector.

Anticipation reduces the joy of gifts అన్నట్టు అనిపించింది ఈ అనుభవాన్ని తరచి చూస్తె. I know, I know Thomas Hardy's Eustacia would not agree with that. But let me not digress.....

సరే పాట ఎలా ఉంటుందో చూద్దామని వెతికితే పదినిమిషాలు పట్టింది "మనసారా" పిక్చర్లోదని తెలీటానికి :-) యూ ట్యూబ్లో వెళ్ళి చూస్తె మళ్ళీ రెండోసారి డంగైపోయాను. నేను చూసిన సినిమానే అది. అదీ కాక ఈ పాట నాకెంతో నచ్చినట్టు కూడా గుర్తు. కాని అసలు సాహిత్యమే గుర్తులేదు, ఇక అందులో ఉన్న విలువలేమి గుర్తుంటాయి? కేరళ అందాలూ, హీరోయిన్ లాస్యం, హీరో చుంచుమోఖంలా ఉన్నా మంచి నటన నన్ను అసలు వేరే ఏవీ గుర్తు పెట్టుకునేలా చెయ్యలేదు అని అర్థమయింది. Bloody hell. How can I do justice to all when all my senses are so overwhelmed by one? It was such a visual delight to watch the movie.

సరే పాట విందాము అని కళ్ళు మూసుకుని మళ్ళీ యూ ట్యూబ్ని రివైండ్ చేసి పెట్టుకుంటే గిటార్/వయోలిన్ ఎంట్రీ. (0.00-0.12) Again swept off my feet. నాకెంతో ఇష్టమైపోయింది ఈ రాగం (రాగామేనా ఇది?). 

ఆ పాట ఏదీ అని త్రిష, చిరు అని ఎంత వెతికినా పాట దోరక్కపోతే నాలిక్కరుచుకుని శ్రియ, చిరు అని వెతికితే దొరికింది. టాగూర్లో పాట "చిన్నగా చిన్న చిన్నగా............" అన్నది.

సరే మరి త్రిష, ఇంకో అమ్మాయి ఉన్న పాట అదేంటబ్బా అని బుర్ర గోక్కుని, జుట్టు పీక్కుని   నాగ్గుర్తున్న చంద్రుడు కుందేలు త్రిష అని గూగులమ్మనడిగితే వెంటనే చూపెట్టింది నువ్వొస్తానంటే  నే వద్దంటానా లో "చంద్రుడిలో ఉండే కుందేలూ......." పాట.

మొత్తానికి పొద్దునే పఠనానందం,శ్రవణానందం,నయనాందం మూడూ ఏకకాలంలో కుదిరిపోయాయి. ధాంక్స్ రహ్మాన్ గారు. 

అసలు విషయానికి ఇదంతా ఉపోద్ఘాతమే. అడగాలనుకున్న విషయమేమిటంటే


1. మనసారాలోని పర్వాలేదు పర్వాలేదు పాట మొదట వచ్చే గిటార్/వయోలిన్/ఏదో ఒక స్ట్రింగ్ ఇంస్త్రుమెంట్ ఎంట్రీ 
2. టాగూర్లోని మెల్లగా మెల్లగ మెల్లగా అన్న పాట  
3.  నువ్వొస్తానంటే నే వద్దంటానా లో చంద్రుడిలో ఉండే కుందేలూ పాట


ఈ మూడు ఒకే రాగానికి సంబంధించినవా? అవును అయితే ఆ రాగం పేరు చెప్పగలరా? 

తెలుసుకుందామనే  ఉత్సాహమే, మిమ్మల్ని పరీక్షించాలని కాదు :-)